Гостување на Кристина Краличин во „Наш Подиум“ на МРТ 1 телевизија

Кристина Краличин гостуваше во „Наш Подиум“ на 7 март 2025 година кај водителката Јаглика Петковска. Разговорот беше на тема досегашното творештво на авторката, со посебен акцент на промоцијата на романот „И“ во издание на Арс Ламина, меѓутоа и на сите досегашни изданија на собјавените стихозбирки и белетристиката на писателката. 

Се разговараше и за активностите на авторката во полето на уредништвото на порталот од Рим, Италија, „Вите Наранти“ и како произлегува соработката, како и за останатите активности во Италија, објавената рецензија на реномираниот професор Калоџеро Ла Векија и преводот на книгата „Поезијата како совршен ентитет, етичка димензија на животот, стихови на суштината“ на италијански јазик чијашто промоција ќе се одржи во Италија во текот на 2025 година.

На крајот на разговорот Краличин откри ексклузивно за емисијата дека работи на првиот роман во стих што ќе се објави за прв пат во Македонија и пошироко. Воедно и прочита неколку строфи од ова капитално дело како најава за реализација на нејзиниот нов „проект“.

Целото гостување можете да го погледнете на следниот линк од емисијата „Наш Подиум“ со почетна време од 31 до 44 минута:

 https://play.mrt.com.mk/play/582582

Извор: Фотографиите се преземени од видеото објавено на МРТ 1 (плеј мрт) на линкот погоре.