Кристина Краличин гостуваше во „Наш Подиум“ на 7 март 2025 година кај водителката Јаглика Петковска. Разговорот беше на тема досегашното творештво на авторката, со посебен акцент на промоцијата на романот „И“ во издание на Арс Ламина, меѓутоа и на сите досегашни изданија на собјавените стихозбирки и белетристиката на писателката.
„Ценев дека тоа што романот е влезен во најтесниот избор за наградата Пегаз е мошне значајно за еден ваков роман, и дека тоа ќе го докомплетира моето дело во целина. Многу ми значи оваа награда, поточно тоа што романот се најде во најтесниот избор на Пегаз бидејќи е престижна награда за секој автор. Со голема љубов го отворам моето срце и еве го подарувам на читателите ветувајќи дека И понатаму ќе продолжам да творам И нема да запрам, бидејќи пишувањето е нешто за што сум се предодредила, чинам уште „пред да се родам.“
„Доживувањето додека се чита романот, е повеќе од самата реалност. Тоа е влез во еден свет што не ги познава границите на времето. Мислам дека е наменет за целата публика, токму поради овие карактеристики што ги наведов. Пораката во романот „И“ е воедно и симболика на оваа буква - наслов на романот, порака дека минатото не смееме да го потиснеме, да го заборавиме, да го зафрлиме во сеќавањата и да не чувствуваме одговорност кон него.“
„Романот „И“ е мој четврти роман. Сите мои романи досега се различни не само по содржината туку и по стилот на изразување. Но, чинам дека овој мој последен роман се разликува од другите не само поради тоа што станува збор за ликови и дејствија кои навистина се случиле во минатото на нашето македонско тло во едно македонско село, туку се разликува и според начинот на кој се роди како идеја којашто понатаму се оформи во книжевно дело.“
„И“ е четврти роман на Кристина Краличин, базиран на вистинска приказна со реални настани и случувања, со ликови именувани со вистински имиња.
Гостување на Кристина Краличин, новинар Ирена Спировска - говориме за Промоција на збирката поезија „Една ноќ“ во Промо-центарот на Саемот на книга 2024.
На 20 април во 18 часот во Промо-центарот на Саемот на книга 2024 во прекрасна атмосфера беше одржана промоција на новата збирка поезија на Кристина Краличин насловена „Една ноќ“.
На саемот на книга, кој се одржува од 18 до 24 април во С.Ц. „Борис Трајковски“, издаваштвата Чудна шума и ИД-Концепт се претставуваат со промоција на една поетска збирка – „Една ноќ“ од Кристина Краличин
Писателката ја промовираше својата нова книга - збирка поезија „Една ноќ“ која ќе биде промовирана на Саемот на книга 2024 на 20 април во 18 часот во Промо-центарот, сала Борис Трајковски
Кристина Краличин во интервју за Капитал.мк открива повеќе за личниот порив кон пишувањето и естетиката на речта
На Денот на жената 8-ми март вработените на ВИНЕР одржаа средба и разговор со писателката Кристина Краличин на теми поврзани со инклузивноста на жената во општеството и нејзината улога во животот генерално.