„Патот на душата по зборот што гори“ - збирка поезија (нова книга)

Секој збор има значење. Сам или во синтаксичен спој со други зборови тој е мисла која нема видливост без него. Зборот ја мие мислата и ја прочистува до кристална фонологија на сите сетилата, кога ќе се запише и излезе на виделина пред читателите. Со него се одголува душата на писателот со единствена и уникатна препознатливост. 

Морфолошката манифестација изнесена преку писателската дејност на писателот Кристина Краличин ја експлицира сета онаа внатрешна содржина што ја обојува душата со елоквентна шареноликост, разнобојност и естетика на чувствата. Во такви недопрени длабочини владее хармонија на спој од умот и универзумот како нераскинлив дел на свеста дека ѝ припаѓаме на таа целина како нејзин составен дел, како нејзина бесконечност. 

Со тага или со среќа, животот наизменично ја трепери и исполнува човечката димензија, за што Краличин опејува песни во своето поетско дело „Патот на душата по зборот што гори“, кои мошне успешно и детерминирано ја досегаат можноста на невозможното во една безвремена перфекција. Темите што ги обработува го допираат секој човек, без исклучок, а тогаш зборот на Краличин значи многу повеќе од збор. 

Тој има значење на ЖИВОТ.

Автор: Кристина Краличин

Оригинален наслов: „Патот на душата по зборот што гори“

Категорија/жанр: Поезија

Издавач: ИД Концепт - Чудна Шума

Едиција: Корија

Јазик: Македонски

Формат: А5

Повез: Мек

Број на страници: 80

ISBN: 978-608-4938-36-1

Година на издавање: 2022

Тираж: 300 (прво издание)