(Fashionel.mk) Промоција на два нови романи - писателката Кристина Краличин во елегантен бел сет на ЕЛЕНА ЛУКА

Во просториите на Café Литература во Дајмонт мол на 15 февруари 2024 година со почеток од 19 часот се одржа промоција на двата нови романи „Денот пред да се стемни" и „Последна шанса за втора клапа: сценариото на немиот сведок" од авторката Кристина Краличин пред стотина гости кои присуствуваа на овој настан.

Писателката беше облечена во елегантна бела комбинација со потпис на ЕЛЕНА ЛУКА. Уникатниот костум е спој на модерна естетика и безвременска елеганција, со асиметричен украс на едното рамо што му дава дополнителна нота на автентичност. Модерната линија на горниот делсо специфична должина, дизајниран во глок од половината надолу и елегантните панталони го изразуваат креативниот стил на ЕЛЕНА ЛУКА.

Краличин остави силен впечаток кај присутните, како со својот јавен настап, богат речник и промотивниот говор за своите романи, така и со својот надворешен изглед.

Во една пријатна и релаксирана атмосфера промоторите Билјана Црвенковска и проф. д-р Ермис Лафазановски, имаа свое излагање при што се говореше за структурата и содржината на самите романи, но и за едицијата од која тие се дел и којашто ќе следи во следниот неколкугодишен период. Делови од романите читаше актерката Дарја Ризова.

Текстот е преземен од Fashionel.mk - Линк до оригиналниот пост.